Пан Гі Мун заклікаў Расею падтрымаць перамір’е на Ўкраіне

Генэральны сакратар ААН Пан Гі Мун заклікаў Расею выкарыстаць свой уплыў для падтрыманьня перамір’я на ўсходзе Ўкраіны, гаворыцца ў заяве прэс-службы арганізацыі.

"Па Ўкраіне, генэральны сакратар залікаў Расею выкарыстаць яе ўплыў для замацаваньня ўстойлівага рэжыму спыненьня агню. Ён інфармаваў міністра замежных спраў аб тым, што прадоўжыць сваё асабістае ўзаемадзеяньне з сусьветнымі лідарамі для мірнага ўрэгуляваньня гэтага крызысу", — гаворыцца ў заяве, распаўсюджанай па выніках сустрэчы Пан Гі Муна з кіраўніком МЗС РФ Сяргеем Лаўровым.

Пратакол, падпісаны ў Менску па выніках сустрэчы трохбаковай кантактнай групы па ўрэгуляваньні сытуацыі ва Ўкраіне, прадугледжвае прыняцьцё Ўкраінай закону аб асаблівым статусе Данецкай і Луганскай абласьцей і правядзеньне датэрміновых выбараў.

Кіеўскія ўлады і ўсходнеўкраінскія апалчэнцы правялі ў Менску пры пасрэдніцтве Расеі і АБСЭ перамовы, падчас якіх дамовіліся аб поўным спыненьні агню, стварэньні зоны бясьпекі на бягучай лініі сутыкненьня, адводзе цяжкіх узбраеньняў ад гэтай зоны і населеных пунктаў і разгортваньні маніторынгавай місіі АБСЭ.
БелаПАН/ эб