Канец эвакуацыі сырыйскага арсэнала хімічнай зброі

Як паведамілі ў Капэнгагене, дацкае гандлёвае судна даставіла ў Фінляндыю апошні транспарт арсэнала хімічнай зброі з Сырыі. Цяпер хімічныя матэрыялы будуць утылізаваныя фінскімі экспэртамі.

Раней аналягічны груз нарвэскі карабель даставіў у Вялікабрытанію.

Між тым, у Міжземным моры, на борце амэрыканскага карабля, працягваецца зьнішчэньне хімічнай зброі з Сырыі.

Па даручэньні ААН дацкі флёт каардынаваў марскую эвакуацыю сырыйскай хімічнай зброі й матэрыялаў для ейнай вытворчасьці.

Дацкія караблі вывезьлі з сырыйскага порту Латакія 181 кантэйнэр зь небясьпечным грузам. Першы транспарт выплыў з Сырыі 22 студзеня, а апошні 23 чэрвеня.

У апэрацыі ўдзельнічалі ваенныя караблі з Даніі, Нарвэгіі, Вялікабрытаніі, Расеі й Кітая, а на сырыйскім водах таксама ваенна-марскі флёт Сырыі.

аз