У Малі забітыя двое францускіх журналістаў

Журналісты францускай радыёстанцыі RFI былі выкрадзеныя, а затым забітыя на поўначы Малі, паведаміў сайт BBC News.

Іхныя целы былі знойдзеныя на пустыннай дарозе ў дзесяці кілямэтрах на ўсход ад горада Кідаль, дзе іх выкралі. Прычына сьмерці не паведамляецца.

Для 57- гадовай Гісьлен Дзюпон і 55-гадовага Клода Вэрлона, гэта была другая камандзіроўка ў Кідаль, нагадвае BBC News. У ліпені яны езьдзілі туды асьвятляць першы тур прэзыдэнцкіх выбараў.

Прэзыдэнт Францыі назваў забойства журналістаў „агідным”. Улады Малі паабяцалі зрабіць усё магчымае, каб усталяваць абставіны здарэньня.

Пасьля забойства супрацоўнікаў RFI ў Малі колькасьць журналістаў, якія загінулі ў сьвеце ў 2013 годзе дасягнула 42 чалавек, падкрэсьлівае BBC News.

аз