Польскі сьвятар з Дамініканы ў вышуку Інтэрпола

Пракуратура Дамініканскай Рэспублікі зьвярнулася ў Інтэрпол за дапамогай у затрыманьні сьвятара Войцеха Гіля, які падазраецца ў пэдафіліі.

Сьвятар пaбываў на адпачынку ў Польшчы, калі ў канцы траўня яму былі выстаўлены абвінавачваньні. Пасьля гэтага Войцех Гіль не вярнуўся ў сваю парафію на Дамінікане, дзе ён служыў на працягу васьмі гадоў. Сьвятар таксама аспрэчвае абвінавачваньні дамініканскай пракуратуры.

У адмысловым камунікаце генпракурор Дамінгес Брыта выказаў спадзяваньне, што супрацоўніцтва зь Інтэрполам і іншымі міжнароднымі арганізацыямі дазволіць паставіць сьвятара перад судом у Дамініканскай Рэспубліцы.

Дамініканскія ўлады таксама расьсьледуюць справу Апостальскага нунцыя, арцыбіскупа Юзэфа Вэсалоўскага, якога ў жніўні таксама з-за падазрэньняў у пэдафіліі адклікаў Папа Рымскі.

Ватыкан заявіў, што будзе супрацоўнічаць з уладамі Дамініканскай Рэспублікі ў расьсьледаваньні гэтай справы.

аз