Лідары Femen просяць палітпрытулку ў Эўропе

Лідар жаночага руху Femen Ганна Гуцал і яе былы кансультант Віктар Сьвяцкі маюць намер прасіць палітычнага прытулку ў Эўропе.

Пра гэта паведамляе " Коммерсант- Украіна". Раней ўсё кіраўніцтва арганізацыі пакінула Украіну, абвінаваціўшы ўладу й спэцслужбы ў нападзе на актывістак і спробе падкінуць у офіс руху зброю. Разам з тым Гуцал заяўляе, што акцыі Femen на Ўкраіне працягнуцца, але ўдзельнічаць у іх будуць ужо іншаземкі.

Як вядома, першай з руху Украіну, у 2012 годзе, пакінула Іна Шаўчэнка, баючыся судовага перасьледу за сьпілаваны крыж у цэнтры Кіева - гэтай акцыяй арганізацыя выказала сваю салідарнасьць з расейскай панк- групай Pussy Riot. Цяпер Шаўчэнка жыве ў Францыі, дзе яна атрымала палітычны прытулак. Там жа актывістак Femen чакае суд за акцыю ў Нотр -Дам, і магчымае пазбаўленьне волі на 10 гадоў або штраф у 150 тысяч эўра.

дг