Спозьненая справядлівасьць

2 верасьня ў нямецкім мястэчку Хагэн пачаўся суд над былым жаўнерам «Вафэн-СС», 92-гадовым Сыртам Брэйнсам. Яго абвінавачваюць у забойстве галянцкага падпольшчыка Альдэра Кляася Дэйкімы.

Паводле дадзеных сьледзтва, у 1944-м годзе Брэйнс застрэліў галянца га тэрытэрыі закінутай фабрыкі. Былы эсэсавец заяўляў, што ён быў на месцы злачынства, але не страляў.

Пасьля вайны Брэйнса прысудзілі да сьмяротнага пакараньня ў Нідэрляндах за ваенныя злачынствы, але ён уцёк у Нямеччыну. ФРН адмовілася тады яго выдаць Амстэрдаму.

Цяперашні працэс стане адным з апошніх працэсаў супраць нацысцкіх вайсковых злачынцаў у Нямеччыне.

юл