Заснавальніцы FEMEN пакінулі Ўкраіну

«Пачынаючы зь ліпеня 2013 г. украінскія сябры міжнароднага руху FEMEN сыстэматычна падвяргаліся перасьледу, жорсткаму зьбіцьцю, выкраданьням і неаднаразова атрымлівалі ў свой адрас пагрозы. Гэтыя крымінальныя дзеяньні ў дачыненьні да актывістак ажыцьцяўляліся расейскімі ды ўкраінскімі спэцслужбамі па замове прэзыдэнтаў Пуціна і Януковіча, як помста за актыўную антыдыктатарскую дзейнасьць руху FEMEN ва ўсходняй Эўропе», - гаворыцца ў заяве на сайце руху .

Нагадаем , у аўторак FEMEN абвясьціла аб рашэньні згарнуць сваю дзейнасьць на Ўкраіне. Прычынай гэтага рашэньня стаў шэраг нападаў на ўдзельнікаў руху.

Рух FEMEN апошнімі гадамі стаў шырока і скандальна вядомым ня толькі на Ўкраіне, але й ва ўсім сьвеце . Пачынаў ён некалькі гадоў таму як чарговая пратэстная група. Потым дзяўчаты пастаянна пашыралі тэматыку і геаграфію сваіх «пратэстаў» . Асноўнай формай іх пратэсту сталася агаленьне па пояс у публічных месцах.

эб