Карэі паразумеліся па справе зоны Кэсон

Карэйская эканамічная зона Кэсон будзе зноўку адкрытая. Пагадненьне па гэтай справе - гэта вынік сямі раундаў перамоваў паміж Паўночнай і Паўднёвай Карэямі.

Паўднёвакарэйскае міністэрства па справах аб'яднаньня паведаміла, што пагадненьне ўтрымлівае 5 пунктаў. Найважнейшы зь іх гарантуе, што ў будучыні ня будзе ніякіх перапынкаў у вытворчасьці. Гэтага, безумоўна, запатрабаваў Сэул.

Эканамічная зона Кэсон была зачынена ў красавіку гэтага года, калі Пхэньян ў аднабаковым парадку й без тлумачэньня прычын загадаў пакінуць зону больш чым 50 тысячам супрацоўнікаў. Яны былі асноўнай рабочай сілай 123 заводаў Паўднёвай Карэі, разьмешчаных у Кэсоне.

У мінулым месяцы прайшло шэсьць сустрэчаў паміж прадстаўнікамі Поўначы й Поўдня, прысьвечаных сытуацыі ў зоне. Абедзьве дэлегацыі не змаглі дамовіцца, а пасьля апошняга раўнда камуністычная Карэя нават прыгразіла ўвядзеньнем у зону сваёй арміі.

аз