Твітэр перакладае паведамленьні блёгераў з Эгіпта

Дзякуючы новай паслузе сэрвісу Твітэр інфармацыю аб бягучых палітычных падзеях у Эгіпце могуць чытаць інтэрнэт-карыстальнікі, якія ня ведаюць арабскай мовы.

Сацыяльная сетка Твітэр аўтаматычна перакладае некаторыя з твіты, апублікаваныя карыстальнікамі з Эгіпта.

Яны перакладаюцца з арабскай на ангельскую мову. Праект ахоплівае больш за 60 акаўнтаў, адным зь іх зьяўляецца профіль вядомага эгіпецкага інтэрнэт-актывіста Ваэля Гоніма.

Аўтаматычны пераклад пакуль зьяўляецца неафіцыйным і далёкім ад дасканаласьці.

Некалькі дзён таму Твітэр распачаў падобныя праекты таксама на гішпанскай і францускай мовах.

аз