Мэркэль і Пуцін ледзь не пасварыліся

Прэзыдэнт Расеі Ўладзімір Пуцін і канцлер Нямеччыны Ангела Мэркэль маюць намер сёньня ўвечары наведаць выставу ў Эрмітажы пад назвай "Бронзавы век. Эўропа бязь межаў".

Раней прайшла інфармацыя аб тым, што наведваньне выставы, першапачаткова заплянаванае ў праграме двух лідараў, не адбудзецца з-за скандала. Ангела Мэркэль падчас выступленьня хацела нагадаць, што кожны трэці экзэмпляр на выставе вывезены Чырвонай Арміяй зь Нямеччыны пасьля вайны. Калі расейскі бок даведаўся пра плянаваныя словы канцлеркі, дык увогуле выкрэсьліў з праграмы выступленьне Мэркэль. У Нямеччыне з-за гэтага выбухнуў скандал. Каб зьняць напружаньне ў такой сытуацыі, Пуцін і Мэркэль супольна заявілі, што знайшлі кансэнсус і разам наведаюць Эрмітаж. Пытаньне твораў мастацтва зьяўляецца найбольш далікатнай тэмай у нямецка-расейскіх адносінах, якія ў іншых галінах разьвіваюцца пасьпяхова. Бэрлін патрабуе вяртаньня мастацкіх твораў, вывезеных пасьля вайны ў Савецкі Саюз. У сваю чаргу Масква сьцьвярджае, што экспанаты зьяўляюцца часткай кампэнсацыі за панесеныя падчас вайны страты.

вс