Паляк рэалізуе чарговы высакародны прабег

Сёньня ў Лісабоне маратонец Пётр Курыла а 12 гадзіне распачынае чарговы роварны прабег. Ён імкнецца зьвярнуць увагу мяжнароднай супольнасьці на пакуты дзяцей падчас узброеных канфліктаў.

Пётр Курыла вырашыў на ровары праехаць 15 тысяч кілямэтраў на двух кантынэнтах. На гэта ён вызначыў сабе 4 месяцы. Маршрут вядзе з Лісабона ва Ўладзівасток. Спартовец, калі прыедзе ў Сібір, плянуе дапамагчы беднай мясцовай сям’і будаваць дом. Прабег можна ў рэальным часе глядзець на сайце Пётра Курылы.

2 гады таму паляк праславіўся “Прабегам дзеля міру”. За год ён прабег цэлую Эўропу, ЗША й Азію. Такім чынам ён пратэставаў супраць войнаў і канфліктаў.

яс