Вакалістка „Pussy Riot” пад наглядам лекара

Вакалістка „Pussy Riot”, якая трымае галадоўку вось ужо сем дзён, знаходзіцца пад наглядам лекара. Марыя Алёхіна абвясьціла галадоўку пасьля таго, як суд адхіліў яе хадайніцтва аб датэрміновым вызваленьні з турмы.

Жанчына была асуджаная на два гады зьняволеньня ў працоўным лягеры за сьпеў песьні „Багародзіца Пуціна пагані!” ў храме Хрыста Збавіцеля ў Маскве.

Сьпявачка знаходзіцца за кратамі больш за год. На мінулым тыдні суд ня даў згоды на ейны ўдзел у судовым працэсе па датэрміновым вызвальненьні. Алёхіна абвясьціла галадоўку й не спыніла пратэсту, калі суд адхіліў яе хадайніцтва.

Апрача Алёхінай, да двух гадоў лягера прысуджаны таксама дзьве іншыя сьпявачкі „Pussy Riot”: Надзея Талаконьнікава й Кацярына Самусевіч. У адносінах да апошняй суд выкананьне прыгавору адтэрмінаваў.

аз