Піраты вызвалілі маракоў

Польскія й расейскія маракі, якія ў мінулым месяцы былі захопленыя піратамі ў берагоў Нігерыі, вызваленыя. Пра гэта паведаміў нямецкі ўладальнік судна.

Пецярых маракоў вызвалілі ў суботу. Нягледзячы на складаныя ўмовы, у якіх утрымліваліся, усе яны здаровыя. Пасьля вызваленьня, яны прайшлі лекарскае абсьледаваньне й вярнуліся ў свае краіны.

Нагадваем, піраты заатакавалі грузавое судна нямецкага ўладальніка 25 красавіка ў берагоў Нігерыі. На палубу ўварваліся 14 піратаў. Яны скралі грошы і ўзялі закладнікаў. Уладальнік судна – фірма „Sunship Schiffahrtskontor” - не паведаміў, ці выплаціў піратам выкуп.

аз