Вызваленьне Луцэнкі ўзмацняе сілы апазыцыі

Юлія Цімашэнка з радасьцю ўспрыняла інфармацыю аб памілаваньні Юрыя Луцэнкі. Паводле былой прэм'ер-міністра Ўкраіны, гэты факт ўзмацняе сілы апазыцыі.

Юлія Цімашэнка падкрэсьліла, што гэта важная падзея для патрыятычнай, эўрапейскай і дэмакратычнай Украіны. Яна падзякавала заходнім палітыкам, у тым ліку Аляксандру Квасьнеўскаму й міжнародным арганізацыям за тое, што яны давялі да вызваленьня Юрыя Луцэнкі. На яе думку, калі б ня іхныя словы крытыкі ў адрас уладаў, ва Ўкраіне былі б сотні палітычных вязьняў.

Тым часам, паводле ўкраінскіх СМІ, шанцаў вызваленьня Юліі Цімашэнкі пакуль не відаць. Паводле камэнтатараў, у перамовах зь лідарамі ЭЗ прэзыдэнт Віктар Януковіч нават не бярэ гэткай магчымасьці пад увагу.

Юрый Луцэнка - былы міністар унутраных спраў - правёў у турме больш за два гады. Ён быў памілаваны прэзыдэнтам Украіны.

аз