Вобшук офісу Amnesty International у Маскве

Расейская пракуратура правяла вобшук офісу Amnesty International у Маскве. Прэзыдэнт завострыў кантроль над няўрадавымі арганізацыямі, патлумачыўшы гэта пытаньнем бясьпекі.

Аднак кіраўнік Amnesty International у Расеі сьцьвярджае, што вобшук офісу арганізацыі — гэта мера запалохваньня й перасьледу. Пракуратура не патлумачыла, чаму былі прынятыя гэтыя крокі.

ЗША, Рада Эўропы й сама AI на мінулым тыдні раскрытыкавалі кантроль няўрадавых арганізацый у Расеі. Адной з пракантрольных НДА быў „Мэмарыял” — арганізацыя, якая займаецца гістарычнымі дасьледаваньнямі й распаўсюдам ведаў пра ахвяр савецкага пэрыяду. Яна таксама абараняе правы чалавека ў краінах б. СССР.

Крэмль тлумачыць, што кантроль над няўрадавымі арганізацыямі неабходны дзеля прадухіленьня шпіянажу на карысьць іншых дзяржаваў. Праўціўнікі Пуціна лічаць, што гэта надуманая прычына, якая абгрунтоўвае перасьлед апазыцыі.

яс