Брытанцы ствараюць мюзікл пра Брэйвіка

Шатляндзкі пісьменьнік Дэніэл Грэйг ды рэжысёр Рэмін Грэй заявілі, што працуюць над мюзіклам “Падзеі”, матывам для якога паслужыла злачынства, зьдзейсьненае нарвэскім тэрарыстам Андэрсам Брэйвікам. У Ліпені 2011 году ён забіў 77 чалавек, за што атрымаў 21 год турмы. Партытуру для мюзікла напісаў кампазытар Джон Браўн.

Як піша часопіс Observer, аўтары пастаноўкі паставілі сабе за мэту высьветліць межы чалавечагай спагады. Летам мюзікл прадставяць у лёнданскім тэатры Traverse. Пэрсанажа па прозьвішчы Брэйвік у пастаноўцы няма, але злачынца зьяўляецца прататыпам аднаго з герояў. Дзеяньне мюзікла таксама перанесенае з Нарвэгіі ў Шатляндыю.

Аўтар мюзіклу Дэніэл Грэйг асабіста размаўляў з сем’ямі забітых Брэйвікам людзей і вывучаў акалічнасьці тэракту. Таксама ён параўнаў падзеі ў Нарвэгіі з тэрактамі ў Нью-Ёрку ў 2001 годзе.

IAR/ап