Цела Чавэса забальзамуюць і выставяць у музэі

Улады прынялі рашэньне падоўжыць тэрмін разьвітаньня з памерлым 5 сакавіка Уга Чавэсам

"Камандантэ можна будзе ўбачыць яшчэ на працягу не менш як сямі дзён, каб народ змог зрабіць гэта без якіх-небудзь абмежаваньняў: на самай справе, іх мільёны, і мы хочам, каб кожны, хто захоча, мог яго ўбачыць ", - сказаў Мадура

Труну зь целам Чавэса выставяць на тэрыторыі вайсковай базы, дзе ў 1992 годзе ён - тады яшчэ палкоўнік-дэсантнік - сплянаваў няўдалы ваенны пераварот. Па словах Мадура, пасьля бальзамаваньня цела Чавэса ў шкляной труне зьмесьцяць у Музэі рэвалюцыі ў сталіцы краіны Каракасе.