Паліць у ЗША стане занадта дорага

Рэформа сыстэмы аховы здароўя, якую рэалізуе адміністрацыя Барака Абамы, можа прывесьці да таго, што паліць у ЗША стане вельмі накладна для ўласнага бюджэту. Урад хоча змусіць курыльшчыкаў плаціць вышэйшыя стаўкі сацыяльнага страхаваньня. Яны могуць пераўзыходзіць сумы, якія плаціць звычайны грамадзянін, ажно на 50%.

Супраць гэтай ініцыятывы выступілі тытунёвыя канцэрны і ... Таварыства барацьбы з ракам. Дабрачынная арганізацыя аргумэнтуе, што за паленьне будуць пакараныя перадусім бедныя людзі, якія паляць найбольш. “Мы супраць паленьня, а не курыльшчыкаў”, - заяўляюць грамадзкія актывісты. Іх апанэнты аргумэнтуюць, што калі аматараў тытуню не прымусіць плаціць больш, іх лячэньне будуць аплочваць іншыя грамадзяне.

IAR/ап