МЗС Паўн. Карэі: Гэта самаабарона

Гэтак сьцьвярджае Міністэрства замежных спраў Паўночнай Карэі. Ведамства таксама прыгразіла далейшымі рашучымі дзеяньнямі ў выпадку, калі ЗША ня зьменіць сваіx адносінаў.

Паўночная Карэя правяла ўначы падземнае ядзернае выпрабаваньне, якое выклікала землятрус блізу атамнага палігону. Сіла выбуху была ўдвая мацнейшай, чымсьці папярэдняга ў 2009 годзе. Як сьцьвярджаюць экспэрты, камуністычная краіна набліжаецца да стварэньня бомбы, магутнасьцю ў 15 кілятон.

У папярэдніх паўночнакарэйскіх выпрабаваньнях выкарыстоўваўся плютон, а гэтым разам, хутчэй за ўсё, праводзіўся іспыт бомбы з уранам.

Сусьветная супольнасьць асудзіла гэтыя дзеяньні ўладаў Паўночнай Карэі. У прыватнасьці, NATO заклікала Пхеньян неадкладна спыніць правакацыйныя дзеяньні і прытрымлівацца нормаў міжнароднага права. „Гэта безадказнае дзеяньне, якое ўяўляе сабой сур’ёзную пагрозу для рэгіянальнай стабільнасьці й міру ва ўсім сьвеце", — зазначаецца ў заяве Паўночнаатлантычнага альянсу.

эб