Масавыя пратэсты ў Баку

Фота: IHA

Сотні людзей выйшлі сёньня на вуліцы Баку, каб выказаць салідарнасьць з удзельнікамі акцыяў пратэсту, якія на гэтым тыдні працягваліся ў мястэчку Ісмаіллы.

Як паведамілі азэрбайджанскія СМІ, падчас сёньняшняй акцыі пратэсту ў сталіцы былі затрыманыя больш за 50 удзельнікаў.

На гэтым тыдні ў Ісмаіллы, што ў 150 кілямэтрах на паўночны захад ад сталіцы Баку, адбылося некалькі акцыяў пратэсту. На мітынгу 24 студзеня ўдзельнікі патрабавалі адстаўкі кіраўніка раёна Нізамі Алакбарава, а таксама вызваленьня дзясяткаў затрыманых удзельнікаў першай дэманстрацыі.

Паліцыя ўжыла сьлёзацечны газ, каб разагнаць дэманстрацыю. Таксама затрымалі некалькіх удзельнікаў акцыі.

svaboda.org/аз