Агенты ЗША: трэцяй сусьветнай вайны ня будзе

Праз 20 гадоў Азія будзе больш магутная, чым ЗША й Эўропа разам узятыя, - так сьцьвярджаюць амэрыканскія экспэрты выведкі, якія апублікавалі адмысловы даклад.

Паводле дакумэнту, яшчэ да 2030 года кітайская эканоміка пасьпее абагнаць эканоміку ЗША ды стане найбуйнейшай у сьвеце.

„Мы ўжо раней ведалі, што Кітай разьвіваецца, але мы недаацанілі хуткасьці гэтага разьвіцьця", - кажа адзін з аўтараў дакладу.

Экспэрты прагназуюць таксама аслабленьне ўплыву Эўропы й ЗША. Паводле іх , разьвіцьцё новых тэхналёгіяў прычыніцца да росту патэнцыйнай небясьпекі паасобных людзей, але агулам тэрарызм стане менш небясьпечным.

Таксама палепшыцца сытуацыя сярэдняга кляса грамадзтва, пры адначасовым зьніжэньні ўзроўню беднасьці.

Ёсьць некалькі сцэнараў, - падкрэсьліваюць аўтары дакумэнту. Але ніводзін зь іх не прадугледжвае выбуху трэцяй сусьветнай вайны.

аз