Акцыя „вяртаньня імёнаў” сталінскім ахвярам

Расейскія абаронцы правоў чалавека зь няўрадавай асацыяцыі „Мэмарыял” арганізавалі акцыю „вяртаньня імёнаў” дзясяткам тысячаў ахвяраў сталінскіх злачынстваў. Акцыя была зладжаная ў Маскве на Лубянцы, побач зь сядзібай Фэдэральнай службы бясьпекі, былой КДБ.

Як і кожны год, напярэдадні Дня памяці ахвяраў палітычных рэпрэсіяў, праваабаронцы зачыталі прозьвішчы асобаў, якія загінулі ў 1921-1953 гадох. Сярод іх былі таксама палякі, расстраляныя ў розных месцах былога Савецкага Саюза.

Расейскія СМІ адзначаюць, што па розных дадзеных, у часе сталінскіх рэпрэсіяў былі забітыя ад мільёна да некалькіх мільёнаў чалавек.

аз