Міхалевіч - праблемы на мяжы ЗША

Экс-кандыдата ў прэзыдэнты Беларусі Алеся Міхалевіча затрымалі на мяжы ЗША.

Супрацоўнікі іміграцыйнай службы ЗША (USCIS) у нью-ёрскім аэрапорце імя Кенэдзі не прапусьцілі беларускага апазыцыянэра. Пра гэта ў сацыяльных сетках паведамляе сябар палітыка Юрась Зяньковіч.

Паводле яго, афіцэр іміграцыйнага кантролю запрасіў Міхалевіча на дадатковую размову.

Алесь Міхалевіч прыляцеў у ЗША для ўдзелу ў працы Камітэта па правах чалавека ААН.

Алесь Міхалевіч, якога разам зь іншымі апазыцыйнымі кандыдатамі затрымалі пасьля мінулых прэзыдэнцкіх выбараў, уцёк з краіны й атрымаў палітычны прытулак у Чэхіі.

Беларускі КДБ падаў на яго ў міжнародны вышук, у выніку чаго ў Міхалевіча пэрыядычна здараюцца праблемы на межах.

nn.by/аз