М’янмская апазыцыянэрка ў Тайляндзе

Лідарка м’янманскай апазыцыі ўпершыню за апошнія 24 гады выехала за мяжу. Аун Сан Су Чжы, якая апошнія 15 гадоў знаходзілася пад хатнім арыштам, сёньня прыехала ў сталіцу Тайлянду - Бангкок.

Там яна сустрэнецца з прэм’ерам Тайлянду й возьме ўдзел у Сусьветным эканамічным форуме краінаў Усходняй Азіі, падчас якога выступіць з дакладам пра ролю жанчынаў у грамадзка-палітычным жыцьці.

Важным пунктам ейнага візыту зьяўляецца наведаньне м’янманскай дыяспары ды месцаў пражываньня ўцекачоў зь М’янмы.

Паводле камэнтатараў, першае за 24 гады замежнае падарожжа апазыцыянэркі мае быць доказам палітычных пераменаў у М’янме.

У чэрвені ляўрэатка Нобэлеўскай прэміі міру наведае таксама Эўропу. У Жэнэве яна будзе ўдзельнічаць канфэрэнцыі Міжнароднай арганізацыі працы. У сваю чаргу 16-га чэрвеня ў Осла Аун Сан Су Чжы атрымае прызнанаю ёй у 1991 годзе Нобэлеўскую прэмію міру.

аз