Украінцы вырашылі паказаць сваю гасьціннасьць

Жыхары ўкраінскіх гарадоў, дзе будуць разыгрывацца матчы Чэмпіянату Эўропы па футболе, будуць бясплатна дапамагаць заўзятарам. З гэтай мэтай стварылі тры парталы, за пасярэдніцтвам якіх гараджане прапануюць свае паслугі. Сайты былі створаны ў адказ на інфармацыю ў замежных СМІ пра дарагавізну ва Ўкраіне, асабліва ў гасьцініцах. Жыхары гарадоў вырашылі паказаць, што ўкраінцы – гасьцінныя людзі й што ахвотна прымуць і дапамогуць іншаземцам.
Адзін з парталаў прапануе начлегі ў прыватных кватэрах, іншы – моўную дапамогу, а яшчэ іншы – паслугі аматараў-экскурсаводаў. Як сказаў Польскаму радыё адзін зь ініцыятараў акцыі Максім Продан, многія валанцёры гатовыя бясплатна прадаставіць начлег у сваіх кватэрах, паказаць горад, дапамагчы замежным заўзятарам у якасьці перакладчыкаў альбо сустрэць у аэрапорце ды даставіць на месца пражываньня.

вс