Дарагія цыгарэты спрыяюць спыненьню паленьня

Павышэньне акцызнага падатку на тытунёвыя вырабы можа пасьпяхова спрычыніцца да зьмяшэньня лічбы курцоў. Гэтак вынікае з рапарту, падрыхтаванага паводле вынікаў дасьледаваньня, праведзенага польскім міністэрствам аховы здароўя.

Рапарт зьмяшчае пасьпяховыя мэханізмы абмежаваньня паленьня тытуня. Адным зь іх зьяўляецца павышэньне стаўкі акцызу на гэтыя вырабы. У прыватнасьці гэты мэханізм спрацоўвае сярод моладзі й людзей зь нізкімі даходамі. Экспэрты прыйшлі да высновы, што эканамічы аспэкт усё часьцей уплывае на рашэньне аб спыненьні паленьня. На сёньняшні дзень у Польшчы паліць 9 мільёнаў чалавек. Штомесяц кожны траціць на цыгарэты ў сярэднім каля 50 эўра, значна больш чым на адукацыю ці добраякасныя прадукты харчаваньня.

кр