Зьмены ў Белавескім парку

Міністар навакольнага асяродзьдзя Польшчы зьняў з пасады дырэктара Белавескага нацыянальнага парку Зьдзіслава Шкіруця.

Згаданае рашэньне зьяўляецца вынікам праверкі фінансаў парку, якая прайшла ў сувязі са спазьненьнямі ў выплаты зарплат працаўнікам установы. Пра гэта гаворыцца ў прэс-рэлізе Мінпрыроды.

Вынікі праверкі сьведчаць пра тое, што адсутнасьць грошай на зарплаты стала вынікам парушэньня фінансавай дысцыпліны ды выдаткамі, не прадугледжанымі ў бюджэце.

Зьдзіслаў Шкіруць выконваў абавязкі дырэктара Белавескага нацыянальнага парку з 2010 году. Міністэрства аховы навакольнага асяродзьдзя неўзабаве абвесьціць новы конкурс на пасаду дырэктара запаведніка.

аз