Беларусаў прымуць у Генпракуратуры

У чацьвер ў Генэральнай пракуратуры Польшчы пройдзе сустрэча прадстаўнікоў беларускіх і міжнародных арганізацый з намесьнікам генэральнага пракурора Польшчы Робертам Гернандэм.

У ёй прымуць удзел прадстаўнік Цэнтра “Супрацоўніцтва бязь межаў” Ігар Шчэкарэвіч, прадстаўнік “Зьвязу на карысць дэмакратыі ў Беларусі” Анатоль Міхнавец і прадстаўнік “Эўрапейскай Беларусі” Зьміцер Бародка, а таксама праваабаронца Андрэй Жукавец.

“На сустрэчы плянуецца абмеркаваць шматлікія факты парушэньня правоў актывістаў беларускай апазыцыі ў Польшчы” – гаворыцца ў прэс-рэлізе ўдзельнікаў сустрэчы. Паводле актывістаў, гэта рашэньне пракуратуры ў Быдгашчы аб фактычнай забароне выкарыстаньня бел-чырвона-белага сьцяга на спартыўных мерапрыемствах у Польшчы й шматгадовы разгяд беластоцкай пракуратурай справы Андрэя Жукаўца. Таксама беларусаў цікавіць, чаму дагэтуль не былі адпаведна пакараныя супрацоўнікі Генпракуратуры Польшчы, адказныя за перадачу банкаўскіх зьвестак праваабаронцы Алеся Бяляцкага.

дг