Дональд Туск пра Міхалевіча

Дональд Туск лічыць, што па справе беларускага апазыцыянэра Алеся Міхалевіча польскія службы павялі сябе „даволі эфэктыўна”.

Падчас прэс-канфэрэнцыі кіраўнік польскага ўраду заявіў, што не ўспрымае затрыманьня беларускага апазыцыянэра, як кампраметацыі польскай памежнай службы.

Паводле прэм’ер-міністра, дзіўна было б спадзявацца, што сярэднестатыстычны функцыянэр ці паліцыянт будуць прымаць рашэньне наконт мэтазгоднасьці зьмяшчэньня прозьвішча нейкай асобы ў вышуку Інтэрполa.

Дональд Туск дадаў, што справа была вырашана вельмі хутка.

Дональд Туск: Пасьля таго, як польскія службы сьцьвердзілі, што прозьвішча Міхалевіча апынулася ў вышуку Інтэрпола ў неадназначных абставінах, якія вынікаюць з сытуацыі ў Беларусі, апазыцыянэр быў неадкладна вызвалены. Паколькі я ведаю, ён не выяўляе па гэтай справе ніякіх прэтэнзіяў.

Нагадаем, беларускі апазыцыянэр Алесь Міхалевіч быў затрыманы памежнай службай на варшаўскім лётнішчы падчас перасадкі на самалёт у Лёндан.

Неўзабаве пасьля згаданага факту на лётнішча паехаў віцэ-міністар замежных справаў Кшыштаф Станоўскі. У выніку, пасьля амаль дзьвюх гадзінаў, пракуратура вырашыла вызваліць беларуса.

аз