Дзень правоў чалавека

У горадзе Гіжыцка (паўночна-ўсходняя Польшча) праходзіць маратон пісаньня лістоў у абарону вязьняў сумленьня ды іншых грамадзян, правы якіх парушаюцца.

Гіжыцкі маратон будзе працягвацца да 2 гадзіны ночы. Ён адбываецца ў рамках Сусьветнага дня правоў чалавека. Учора з гэтай нагоды падобная акцыя прайшла ў Ольштыне.

У Дзень правоў чалавека людзі пішуць лісты ў больш чым 80 краінах сьвету. Яны адпраўляюцца на адрас уладаў паасобных краінаў, дзе парушаюцца правы чалавека.

Сёлета ўдзельнікі акцыі выказваюцца ў абарону вязьняў працоўных лягераў у Паўночнай Карэі, 20-гадовага азэрбайджанскага блёгера ды жыхаркі Емэну, прысуджанай да сьмяротнага пакараньня.

Як заяўляюць аўтары ідэі, прадстаўнікі арганізацыі „Amnesty International”, дзякуючы лістам, кожны год удаецца паўплываць на сытуацыю некалькіх вязьняў.

аз