Акадэмія «Ўсходняга партнэрства»

У Варшаве афіцыйна пачала працу Акадэмія дзяржаўнай адміністрацыі «Ўсходняга партнэрства». Чыноўнікі з-за ўсходняй мяжы будуць навучацца эфэктыўнаму кіраваньню й арганізацыі грамадзкіх тэндэраў, каб выкарыстаць эўразьвязаўскія стандарты ў краінах Усходняй Эўропы.

Акадэмію адчыніла Міністэрства замежных справаў Польшчы ды Агульнапольская школа дзяржаўнай адміністрацыі па выніках саміту „Ўсходняга партнэрства” ў Варшаве.

Як заявіў прэс-сакратар польскага МЗС Марцін Басацкі, Польшча хоча дзяліцца сваім досьведам з маладымі дзяржавамі на Ўсходзе.

Марцін Басацкі: Удзельнікі акадэміі будуць вучыцца, як прыстасаваць стандарты адміністрацыі ўрадавых ці муніцыпальных структураў сваіх краінаў да эўрапейскіх стандартаў. У прыватнасьці, на занятках будзе ісьці гаворка пра тое, як павінны выглядаць адносіны паміж чыноўнікамі й грамадзянамі альбо супраца й разьлікі зь фірмамі прыватнага сэктара.

- кажа прэс-сакратар польскага МЗС.

У курсах удзельнічаюць чыноўнікі з 20 установаў з Украіны, Малдовы, Грузіі , Азэрбайджана й Армэніі. Толькі Беларусь не накіравала ў акадэмію сваіх прадстаўнікоў.

Заняткі ў Акадэміі дзяржаўнай адміністрацыі «Ўсходняга партнэрства» вядуць вядомыя польскія экспэрты й практыкі.

аз