Спэцслужбы ліквідавалі злачынную групу, якая прадавала падробленае паліва

Трынаццаць чалавек міжнароднай злачыннай групы затрымалі польскія й нямецкія службы. Затрыманыя падазраюцца ў продажу мазуту ў якасьці паўнавартаснага аўтамабільнага паліва.

У выніку супрацоўніцтва польскіх і нямецкіх службаў было знойдзена ў Нямеччыне незаконнае сховішча паліва.

Нямецкая кампанія скуплівала мазут і трансьмісійнае масла, і дабаўляла хімічныя рэчывы, прадавала ў Польшчы ў якасьці дызэльнага паліва. Злачынцы фальсыфікавалі таксама дакумэнты.

Кожны тыдзень праз мяжу праяжджалі больш дзясятка цыстэрнаў, а падробленае паліва паступала на запраўкі і да буйных транспартных кампаній.

Паводле ацэнак, за 2017 год група ўвяла на рынак 30 мільёнаў літраў падробленага паліва. Польскі дзяржбюджэт страціў больш чым 22 мільёнаў злотых, нямецкі – больш за 13 мільёнаў эўра.

У выніку каардынаваных дзеяньняў нямецкіх і польскіх спэцслужбаў былі затрыманыя 13 чалавек, у тым ліку лідэр злачыннай груп.

яс