74 працэнты дарослых палякаў выбіраюць летні час

Пераважная большасьць дарослых палякаў пры пераходзе на адзін час выбрала б гэтак званы летні. Пра гэта сёньня паведаміла Міністэрства прадпрымальніцтва і тэхналёгіі, якое правяло апытаньне.

Пераважная колькасьць польскіх грамадзян зьяўляецца прыхільнікамі адмены зьмены часу – 78,3%. За захаваньне зьмены часу выказаліся 14,2%.

У аўторак Эўрапейскі парлямэнт у Страсбургу прагаласаваў за адмену пераводу стрэлак гадзіньнікаў. Праект дырэктывы прадугледжвае, што апошняя зьмена часу магла б наступіць у 2021 годзе. Краіны-чальцы самастойна вырашаць, які час выбраць.

Падзел на летні і зімовы час выкарыстоўваецца ў амаль 70 краінах сьвету. У Польшчы зьмена часу была ўведзена ў міжваенны пэрыяд, а пасьля ў 1946-1949 і 1957-1964 гадах, а цяпер няспынна адбываецца з 1977 году.

ав