Польшча й Летува супраць Nord Stream 2

„Мы катэгарычна супраць праекту Nord Stream 2. Мы лічым, што газаправод прычыніцца да пагаршэньня энэргетычнай бясьпекі ня толькі нашай часткі Эўропы, але і ў цэлым у Эўразьвязу”, - сказаў прэзыдэнт Польшчы Анджэй Дуда пасьля сустрэчы з прэзыдэнтам Летувы Даляй Грыбаўскайтэ.

У чацьвер у Варшаве кіраўнікі Польшчы й Летувы прынялі сумесную дэклярацыю па ўмацаваньні польска-летувіскага партнэрства ў галіне бясьпекі.

Акрамя таго, у іх прысутнасьці міністры абароны абедзьвюх краінаў падпісалі пагадненьне аб стварэньні бясьпечнай сувязі для абмену радыёлякацыйнай інфармацыяй, а таксама ліст аб намерах адносна супрацы ў часе міру летувіскай мэханізаванай брыгады „Залежны воўк” і польскай 15-ай мэханізаванай брыгад у рамках камандаваньня Шматнацыянальнай дывізіі „Паўночны-Усход”.

аз