Польскія навукоўцы дамагаюцца перамоваў на тэму Канстытуцыі для навукі

Занепакоенасьць выклікаюць палажэньні аб рэалізацыі будучай Канстытуцыі для навукі. Навукоўцы апасаюцца, што дадзеныя прававыя нормы давядуць да маргіналізацыі гуманітарных навуковых дысцыплін. Пра гэта было заяўлена ў Варшаве падчас Надзвычайнага зьезду польскіх гуманітарыяў.

Прафэсар Унівэрсытэта імя Мікалая Каперніка ў Торуні Кшыштаф Мікульскі паведаміў, што непакой навукоўцаў выклікае, сярод іншага, ацэньваньне так званага аўтарскага ўнёску ў навуковыя дасьледаваньні.Таксама занепакоенасьць польскіх навукоўцаў выклікае новая клясыфікацыя навуковых дысцыплін, а таксама аплочваньне навуковых дасягненьняў.

Навукоўцы спадзяюцца на канструктыўны дыялёг зь Міністэрствам навукі і вышэйшай адукацыі. Аднак, на інтэрнэт-старонцы Міністэрства навукі і вышэйшай адукацыі гаворыцца, што рэалізацыя палажэньняў Канстытуцыі для навукі толькі ўзмацніць пазыцыю гуманітарных навук у Польшчы.

IAR/эж