У Польшчы павялічваецца колькасьць пэнсіянэраў

Паводле дадзеных Галоўнага статыстычнага ўпраўленьня Польшчы, у 2017 годзе ў Польшчы было 6 мільёнаў 400 тысяч пэнсіянэраў. Людзі ва ўзросьце старэйшыя за 60 гадоў складаюць 24,2% польскіх грамадзян, у 1957 годзе іх гэты адсотак не перавышаў 9.

З дакладу Польскай банкаўскай асацыяцыі вынікае, што ў 2018 годзе сярэдняя выплачаная пэнсія з Сацыяльнага фонду складала 1860 польскіх злотых. У выпадку жанчын гэта лічба была крыху меншай і складала 1065 злотых, а для мужчын 2177 злотых.

86% людзей сталага ўзросту ў Польшчы не чакаюць фінансавай падтрымкі з боку сваіх дзяцей або ўнукаў. Больш за палова рэспандэнтаў адзначае, што ім здараецца даваць грошы сваім дзецям і ўнукам. Кожны трэці апытаны робіць гэта толькі час ад часу.

21% пэнсіянэраў зазначаюць, што дапамагаюць дзецям ды ўнукам рэгулярна, хоць у асноўным даюць малыя сумы.

Польскія пэнсіянэры таксама актыўна карыстаюцца банкаўскімі паслугамі. У асноўным яны маюць асабістыя рахункі, а кожны другі заяўляе, што мае крэдытную карту ды ашчадныя рахункі.

ПР/юл