Трагічны пажар здарыўся ноччу ў Варшаве

Шэсьць чалавек загінулі ў пажары драўлянага будынку ў варшаўскім раёне Жэрань. Узгараньне было заўважана позьнім вечарам у аўторак. Пажарныя службы атрымалі паведамленьне каля 22.30 вечара. Па інфармацыі Сталічнай камэндатуры паліцыі, у закінутым доме пражывалі бяздомныя асобы. Верагодней за ўсё, менавіта яны прычыніліся да ўзгараньня аб’екту.

На месцы здарэньня былі праведзеныя адпаведныя сьледчыя дзеяньні. Між іншым працаваў пракурор – з 1 гадзіны ночы да 3.20. У будынку знойдзеныя спаленыя целы ахвяр. На месцы не ўдалося ідэнтыфікаваць целы, яны былі дастаўленыя ў Цэнтар судовай мэдыцыны для правядзеньня ўскрыцьця.

ПР/нг