У Польшчы будуць прасоўваць чацьвёртую прамысловую рэвалюцыю

У першым квартале 2019 году ў Польшчы пачне дзейнічаць Фонд „Плятформа прамысловасьці будучыні”.

Арганізацыя будзе дапамагаць польскай эканоміцы адаптавацца да выклікаў чацьвёртай прамысловай рэвалюцыі. Гаворка ідзе, між іншым, пра падтрымку лічбавых пераўтварэньняў, прадуктаў й бізнэс-мадэляў, якія выкарыстоўваюць найноўшыя дасягненьні ў галіне аўтаматызацыі, штучнага інтэлекту, інфармацыйных і камунікацыйных тэхналёгій.

Задачай фонду будзе знаёміць прадпрымальнікаў з пытаньнямі, датычнымі чацьвёртай прамысловай рэвалюцыі. Падобныя арганізацыі дзейнічаюць у іншых эўрапейскіх краінах, напрыклад, у Нямеччыне.

Першапачатковы бюджэт Фонду „Плятформа прамысловасьці будучыні” – 2 мільёны злотых.

аз