Паліцыя выявіла ў лесе наркотыкі вартасьцю ў $750 тыс.

Супрацоўнікі паліцыі выявілі ў лесе плянтацыю каноплі і сушаную марыхуану, чорнарынкавая вартасьць якой складае $750 тысяч.

Плянтацыя знаходзілася ў Малапольскім ваяводзтве на поўдні Польшчы. Каля 700 кустоў канапель з сярэдняй вышынёй 1,5 мэтра было пасаджана ў чыгунах. У палатцы побач знаходзілася амаль 10 кг сухой марыхуаны. Плянтацыя была забясьпечана абсталяваньнем для паліваньня расьлін і хімічнымі рэчывамі для падтрыманьня іх росту.

У выніку падрыхтаванай акцыі паліцыя затрымала двое чалавек, якія глядзелі плянтацыю. Мужчыны ва ўзросьце 26 і 31 гадоў былі зьдзіўлены прысутнасьцю паліцэйскіх у лесе. Iм пагражае да 8 гадоў пазбаўленьня волі.

яс