Памежнікі ліквідавалі нелегальны завод цыгарэтаў

Польскія памежнікі разьбілі міжнародную злачынную групу. Затрыманым вынесена абвінавачаньне ў вытворчасьці, кантрабандзе і распаўсюджваньні вялікай колькасьці нелегальных цыгарэт.

Страты дзяржбюджэту ацэньваюцца прыкладна ў 100 мільёнаў злотых. Нелегальны завод быў разьмешчаны ў Куяўска-Паморскім ваяводзтве на захадзе Польшчы. Злачынная група складалася з васьмі замежнікаў. Гэта былі грамадзяне Ўкраіны, Малдовы, Грузіі і Румыніі. Кіраваў групай 50-гадовы ўкраінец.

Вынікі расьследаваньня паказваюць, што з траўня 2017 году група ўвяла на рынак больш за 67 мільёнаў цыгарэт.

Затрыманьне прайшло ў выніку супрацоўніцтва польскіх, украінскіх і малдаўскіх памежнікаў.

яс