Польшча запрашае студэнтаў з-за мяжы

Міністэрства навукі і вышэйшага школьніцтва хоча прыцягнуць у Польшчу замежных студэнтаў. Толькі на папулярызацыю вышэйшых установаў у іншых краінах прызначана больш за 28,5 мільёнаў даляраў штогод.

У сьвеце па-за межамі сваіх краін навучаецца 4,6 млн студэнтаў. Больш за палову зь іх трапляе ў ЗША, Вялікабрытанію, Францыю і Аўстралію. Польшча хоча, каб тут колькасьць замежных студэнтаў таксама вырасла. Цяпер у краіне навучаецца 65,8 тысяч іншаземцаў. Гэта і так можна назваць посьпехам, паколькі яшчэ дзесяць гадоў таму ў Польшчы студэнтаў вучылася ў шэсьць разоў менш. Больш за палова з іх вучыцца ў прыватных ВНУ.

Міністэрства навукі і вышэйшага школьніцтва вырашыла падтрымаць ВНУ і прызначыць на іх папулярызацыю 100 млн злотых. Асобны бюджэт (110 млн злотых) прызначаны для Нацыянальнага агенцтва абмену студэнтамі, якое прызначыць гэтыя сродкі на інтэрнацыяналізацыю ВНУ.

ав