Палякі пазытыўна ацэньваюць сваю фінансавую сытуацыю

Погляд палякаў на актуальную эканамічную сытуацыю ў краіне, а таксама на будучыню – найбольш аптымістычны за ўсю гісторыю апытаньняў, праведзеных дзяржаўнымі цэнтрамі дасьледаваньня грамадзкай думкі. Сацыялягічнае дасьледаваньне правяло Галоўнае статыстычнае ўпраўленьнем і кампанія CBOS, паведамляе пэрыядычнае выданьне Dziennik Gazeta Prawna.

Добрая каньюнктура, рост заробкаў і добрая сытуацыя на рынку працы аказвае ўплыў на аптымізм, зь якім палякі глядзяць на будучыню сваю й сваёй сям’і. А гэта – добры сыгнал для спажывецкага рынку, які, у сваю чаргу, раскручвае гаспадарку. Шмат сьведчыць пра тое, што рост спажываньня стане ў будучыні эканамічным рухавіком.

Значны рост ВУП назіраецца ў цэлай Цэнтральна-Ўсходняй Эўропе. Але на фоне іншых краін палякі адрозьніваюцца тым, што яны задаволеныя эканамічнай сытуацыяй у краіне й асабістым фінансавым становішчам. Крыху менш задаволеныя чэхі, у сваю чаргу сярод вугорцаў і славакаў назіраюцца нэгатыўныя ацэнкі.

Dziennik. Gazeta Prawna/яс