Польская пара прапала на Атлянтычным акіяне

Марскія службы на Атлянтычным акіяне шукаюць палякаў, якія адправіліся ў рэйс вакол сьвету. 74-гадовы Станіслаў Дамброўны разам з жонкай плылі на яхце Vagant Bavaria44 з Мадэры і, паводле пляну, у пятніцу павінны даплыць на выспу Барбадас.

У чацьвер іх дачка паведаміла ў сацыяльных сетках, што больш за суткі ня мае ніякай сувязі з бацькамі. Яна пісала, што апошні кантакт быў раптоўна спынены. Дачка паведаміла выратавальныя службы на Барбадасе і Міністэрства замежных спраў Польшчы.

У падарожжа вакол сьвету спадарства Дамброўны адправіліся ў траўні. У эфіры Радыё Гданьск яны сказалі, што рэйс будзе доўжыцца чатыры гады.

яс