Пашыраецца пратэст маладых лекараў у Польшчы

У суботу пяць лекараў-рэзыдэнтаў распачалі галодны пратэст ва Ўроцлаве, у Гданьску - чатыры. У сераду плянуецца ва Ўроцлаве шэсьце прадстаўнікоў мэдыцынскіх прафэсій у падтрымку пратэстуючых.

Маладыя лекары, гэтак званыя рэзыдэнты, пратэстуюць ад 2 кастрычніка. Спачатку ў Варшаве, потым далучыліся Шчэцін, Лешна, Лодзь, Кракаў. Галадаюць па некалькі чалавек.

Мэдыкі ў Малапольскім ваяводзтве на поўдні Польшчы, заявілі, што ў бліжэйшую сераду яны не прыдуць на працу. Шпіталі будуць працаваць у экстрэнным парадку.

Мэдыкі дамагаюцца росту накладаў на ахову здароўя да 6,8% ВУП у 2021 годзе і стварэньня групы па падрыхтоўцы законапаекту аб мінімалных заробках супрацоўнікаў сыстэмы аховы здароўя ў Польшчы. Таксама патрабуюць росту заробкаў рэзыдэнтаў да ўзроўню 1,05% сярэдняй у краіне зарплаты.

Паводле кіруючых, наклады на ахову здароўя у Польшчы вырастуць да 6% ВУП толькі ў 2025 г. У 2018 - абяцаюць 4,67% ВУП.

яс