Польскія вязьні перайшлі ў іслам

Шэсьць вязьняў сьледчага ізалятару польскага гораду Шчэцін перайшлі ў іслам. Іх заява пра зьмену рэлігіі, аднак, тлумачыцца не рэзкай пераменай у сьветапоглядзе, а кулінарнымі прывілеямі, на якія могуць разьлічваць вязьні-мусульмане. З рацыёну тых, хто вызнае іслам, выключана сьвініна. Таму яны могуць разьлічваць на блюды з больш «высакародных» гатункаў мяса.

Такія выпадкі не зьяўляюцца рэдкасьцю – тлумачаць супрацоўнікі сьледчага ізалятару. Ніхто не ў стане праверыць, ці падсьледныя сапраўды зьмянілі рэлігію, ці проста хочуць атрымліваць на абед ялавічыну. Такая «мода» на зьмену веравызнаньня назіраецца ня толькі ў Польшчы, але, напрыклад, у Вялікабрытаніі.

IAR/ап