У Катавіцэ паставілі Лавачку донара крыві

У парку Сілезіі ў горадзе Катавіцэ адкрылі сёньня Лавачку донара крыві

Як адзначыў генэральны дырэктар Рэгіянальнага цэнтра крыві Станіслаў Дылёнг (Stanisław Dyląg), лавачка павінна заахвочваць людзей дзяліцца тым, што зьяўляецца самым каштоўным – крывёй.

«Шмат людзей ходзяць па парку, і можа той, хто сядзе на лаўку, задумаецца: што я магу зрабіць для іншых?», – сказаў Станіслаў Дылёнг.

Кроў зьяўляецца адным з самых моцнадзейных прэпаратаў. На працягу больш чым 30 гадоў працягваюцца дасьледаваньні над вытворчасьцю так званай штучнай крыві, але да гэтага часу не ўдалося атрымаць прэпараты, якія маглі б замяніць эрытрацыты ў якасьці носьбіта кіслароду або трамбацыты, якія ўдзельнічаюць у працэсе згортваньня крыві.

яс