За першы квартал у Польшчы павялічылася колькасьць банкруцтваў прадпрыемстваў

За першы квартал паступіла інфармацыя аб неплацежаздольнасьці 224 кампаній – гэта на 29% больш, чым у такім жа пэрыядзе мінулага году, – паведамляе фірма «Euler Hermes», якая займаецца страхоўкамі й спагнаньнем даўгоў.

Колькасьць неплацежаздольнасьці была большай у параўнаньні зь мінулым годам у трох сэктарах: будаўнічым, прамысловай вытворчасьці й паслуг.

Нельга назваць адну прычыну гэтай зьявы, – паведамілі аўтары справаздачы. Найбольшы рост банкруцтваў назіраўся ў цэнтральным, паўднёва-ўсходнім і паўднёвым рэгіёне краіны.

Можна меркаваць, што на працягу 2017 года колькасьць банкруцтваў кампаній будзе вышэйшай, чым у мінулым годзе, зазначаецца ў справаздачы «Euler Hermes».

яс