З Войска Польскага сышоў чарговы высокапастаўлены генэрал

Брыгадны генэрал Войцех Мархвіца заменіць брыгаднага генэрала Ежы Гута на пасадзе камандзіра Кампанэнта сіл спэцыяльнага прызначэньня.

Міністэрства нацыянальнай абароны паведамляе, што брыгадны генэрал Ежы Гут сышоў з войска па асабістых прычынах. Камандзірам сіл спэцыяльнага прызначэньня ён стаў тры гады таму.

Гэта ня першы выпадак сыходу з войска асобы высокага рангу. Апошнім часам назіраецца зьмена камандзіраў у Войску польскім. Частка экспэртаў і апазыцыя лічаць, што гэта кепскі знак, паколькі сыходзяць дасьведчаныя і кампэтэнтныя асобы, а іх месцы займаюць вайскоўцы без адпаведнага досьведу. Паводле апазыцыі, так адбываецца з-за неспрыяльнай атмасфэры ў Войску польскім, якую ўвёў міністар абароны Антоні Мацярэвіч.

Сам міністар такую ацэнку сытуацыі называе абсурдам. Кіраўніцтва краіны лічыць, што зьмена кадраў у Войску польскім зьяўляецца неабходнай. Сьпікер Сэнату Станіслаў Карчэўскі мяркуе, што сыход з войска важных вайскоўцаў не пагражае бясьпецы краіны. «Гэта добрая перамена», – сказаў Станіслаў Карчэўскі, камэнтуючы апошняе прызначэньне брыгаднага генэрала Войцеха Мархвіца.

ав