Польскае радыё адзначае дзень народзін Ф. Шапэна

207 гадоў таму ў мясцовасьці Жэлязова Воля нарадзіўся Фрыдэрык Шапэн – выбітны польскі кампазытар і адзін з найлепшых творцаў у сьвеце, творы якога на стала ўвайшлі ў канон сусьветнай музыкі.

У дзень народзін кампазытара Нацыянальны інстытут Фрыдэрыка Шапэна разам з Другой праграмай Польскага радыё ладзіць штогадовыя канцэрты. Традыцыйным зьяўляецца сольны канцэрт у музэі Шапэна ў Жэлязовай Волі, трансьляцыю якога можна слухаць на хвалях Польскага радыё.

Цыкл канцэртаў з нагоды дня народзін кампазытара арганізоўваецца з 2002 году Нацыянальным інстытутам Фрыдэрыка Шапэна разам з Нацыянальнай філярмоніяй і Другой праграмай Польскага радыё. Сам Фрыдэрык Шапэн, яго сям’я і знаёмыя адзначалі дзень народзін кампазытара менавіта 1 сакавіка, хоць у пасьведчаньні аб нараджэньні фігуруе дата 22 лютага.

ав