Доктар у кабінэце прыставаў да пацыентак і запісваў іх на камэру

Гданьская пракуратура абвінаваціла 65-гадовага доктара ў сэксуальных злачынствах, прад'явіўшы яму 31 абвінавачаньне. Аб’ектамі дамагальніцтва сталі 25 жанчын. Абвінавачаны прызнаўся ў зьдзейсьненым злачынстве. Яму пагражае 10 гадоў турмы.

Прэс-служба Гданьскай пракуратуры паведаміла, што лекар абвінавачваецца ў тым, што прымушаў пацыентак да „сэксуальных дзеяньняў”.

Абвінавачаньні ахопліваюць 2005-2015 гады, але бальшыня выпадкаў мела месца ў апошнія два гады гэтага пэрыяду. Пракурор патрабуе ў суда выдаць пастанову на часовы арышт лекара на тры месяцы.

Доктар зьдзяйсьняў злачынствы ў анкалягічнай клініцы ў Гданьску. Паказаньні далі больш за 2000 жанчын.

яс